Kirkjumeðlimir heiðra Slysavarnarfélagið Landsbjörg með innblásnum tónleikum

Rúmlega 500 manns víðs vegar að úr Reykjavík komu saman til innblásinnar tónlistar- og hátíðarstundar til heiðurs hinu merkilega starfi Slysavarnafélags Landsbjargar.

Á tónleikunum „Von vaknar,“ sem haldnir voru föstudaginn 24. ágúst í hinu glæsilega tónlistarhúsi Hörpunni, kom fram þekkt tónlistarfólk, þar á meðal messósópransöngkonan Angela Brower, sænska söngsveitin Unitone og söngkonan Emily Moffat, við undirleik Andreas Landegren píanóleikara.

Kvöldið var styrkt af heimafólki Kirkju Jesú Krists hinna Síðari daga heilögu og var til að heiðra björgunarstarf Slysavarnafélags Landsbjargar. Í landi sem er frægt fyrir stórbrotið landslag, þar á meðal jökla og eldfjöll, gegnir Slysavarnafélagið Landsbjörg mikilvægu hlutverki í leitar- og björgunarþjónustu. Þema tónleikanna er að vekja athygli á þessari mikilvægu þjónustu og á hetjulegu starfi Slysavarnafélags Landsbjargar við að vernda líf í hrjóstrugri náttúru og oft óútreiknanlegum náttúruöflum Íslands.

Meðal 500 gesta voru virtir leiðtogar trúarbragða, borgar og samfélags sem komu frá hinum ýmsu stöðum á Íslandi, sem undirstrikaði eindreginn stuðning samfélagsins við Slysavarnarfélagið Landsbjörg. 

Flytjendurnir notuðu innblásna tónlist til að leggja áherslu á hvernig hvert og eitt okkar getur vakið og viðhaldið von í eigin lífi. Úrval laga, allt frá áhrifamiklum ballöðum til ópera og upplyftandi þjóðsöngva, skapaði tilfinningaþrungið og áhrifamikið ferðalag meðal áheyrenda. Ástríðufullur flutningur flytjendanna undirstrikaði enn frekar þann boðskap að von er fyrir allt mannkyn, sem er öllum aðgengileg, óháð aðstæðum.

James P. Davidson, forseti Kaupmannahafnartrúboðs Danmerkur, sem Ísland tilheyrir, sagði:

„Slysavarnafélagið Landsbjörg er mikils metið og í hávegum haft á Íslandi. Sveitir þeirra gefa af eigin frítíma og stofna oft sjálfum sér í hættu til að bjarga lífi annarra. Starf þeirra er leiðarljós vonar. Það var því við hæfi að þessir tónleikar um von séu haldnir þeim til heiðurs.

Kirkja Jesú Krists hinna Síðari daga heilögu á sér langa og hrífandi sögu á Íslandi og heimafólk Síðari daga heilagra leitast við að fylgja fordæmi Jesú Krists með því að þjóna í samfélagi sínu. Það var okkur blessun að starfa með Slysavarnafélaginu Landsbjörg og halda þessa tónleika til að undirstrika óeigingjarnt starf þess. 

Ég vil hrósa þeim flytjendum og listamönnum sem hjálpuðu við að gera þennan viðburð að eftirminnilegri upplifun fyrir alla sem tóku þátt. Hvetjandi tónlist þeirra hefur endurnýjað von okkar og trú og við þökkum þeim fyrir það.“ 

Hægt er að fræðast meira um Slysavarnafélagið Landsbjörg með því að fara á: www.icesar.com.